ខេត្ដបន្ទាយមានជ័យ៖ នាយប់ថ្ងៃទី ៩ ខែ ឆ្នូ ឆ្នាំ ២០២០ នៅវេលាម៉ោង២២និង០០នាទី ដោយមានការ ចង្អុលបង្ហាញពីលោក ឧត្ដម សេនីយ៍ត្រី សិទ្ធិ ឡោះ ស្នងការ នគរបាលខេត្ដបន្ទាយមានជ័យ. លោកវរសេនីយ៍ឯកសៅ សារឿន អធិការ នគរបាល ក្រុងប៉ោយប៉ែត បានដឹកនាំ កំលាំងចុះល្បាតរក្សាការពារ សន្ដិសុខសុវត្ថិភាព នឹងទប់ស្កាត់បទល្មេីសផ្សេងៗជូនបងប្អូនប្រជាពល រដ្ឋ នៅក្នុងភូមិសាស្រ្ត ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ឯកសៅ សារឿន ក៏បានធ្វេីការណែនាំឲ្យបងប្អូនប្រជាពលរដ្ឋ ត្រូវតែពាក់ម៉ាស់ លាងសម្អាតដៃជាមួយជែល ឬអាល់កុល ឲ្យបានញឹកញាប់ និងវិធានការការពារ បង្ការ និងទប់ស្កាត់ ការឆ្លងរាលដាលនូវឆ្លងជំងឺកូវីត១៩ ដោយអនុវត្តន៍តាមការណែនាំរបស់ក្រសួងសុខាភិបាល ឲ្យបានខ្ជាប់ខ្ជួន ។
ជាមួយគ្នានោះ លោកវរសេនីយ៍ឯកសៅ សារឿន អធិការនគបាលក្រុងប៉ោយប៉ែត ក៏បានសំណូមពរដល់បងប្អូនប្រជាពលរដ្ឋក្នុងមូលដ្ឋានក្រុងប៉ោយប៉ែតទាំងអស់ សូមមេត្តាជួយសហការណ៍ និងផ្តល់ព័ត៌មានមកកម្លាំងសមត្ថកិច្ចផង ប្រសិនបើបងប្អូនដឹងថាមានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសាធាតុញៀន និងបទល្មើសផ្សេងៗដើម្បីឲ្យកម្លាំងរបស់លោកចុះទៅបង្ក្រាបឲ្យបានទាន់ពេលវេលាផងដែរឫបងប្អូនអាចទំនាក់ទំនងមកនគរបាលក្រុងប៉ោយប៉ែតតាមរយះលេខទូរសព្ទ័Tel: (0977780164)៕
