ខេត្តបន្ទាយមានជ័យ ៖ នៅព្រឹកថ្ងៃទី២១ ខ មិថុនា ឆ្នាំ២០២២នេះ លោក សិទ្ធិ ឡោះ ស្នងការនគរបាលខេត្តបន្ទាយមានជ័យបានអញ្ជើញដឹកនាំកិច្ចប្រជុំត្រួតពិនិត្យផែនការ និងដាក់ទិសដៅការងារ កិច្ចការពារសន្ដិសុខ សុវត្ថិភាព និងរក្សាសណ្ដាប់ធ្នាប់ ក្នុងពិធីទិវាមច្ឆជាតិ ថ្ងែទី០១ ខែកក្កដា ឆ្នាំ ២០២២ ក្រោមវត្តមានដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ទបណ្ឌិត ប៊ុន រ៉ានី ហ៊ុន សែន ជូនដល់ លោក-លោកស្រី ឧត្តមសេនីយ៍ វរសេនីយ៍ ស្នងការង លោកនាយការិយាល័យនគរបាលជំនាញ និងលោកអធិការនគរបាលក្រុង-ស្រុកទាំង៩ និងលោកមេបញ្ជាការវរការពារព្រំដែនគោកទាំង៤ ។
លោកឧត្តមសេនីយ៍ត្រី ផាត ផល្លី ស្នងការរងបានឡើងអានផែនការ និងសេចក្តីណែនាំផ្សព្វផ្សាយដល់កងកម្លាំង ស្តីពីការត្រៀមកម្លាំងការពារក្នុងពិធី ។
លោក សិទ្ធិ ឡោះ បានដាក់ចេញនូវគោលការណែនាំដល់កម្លាំងនគរបាលទាំងអស់ ត្រូវការពារគ្រប់គ្រងតាមចំណុចគោលដៅរៀងៗខ្លួនឱ្យបានល្អ និងក្តាប់សភាពការណ៍ ដើម្បីទ្រោលសភាពការណ៍ឱ្យបាន១០០% និងជូនពរដល់កងកម្លាំងទាំងអស់ក្នុងការចុះបេសកម្មទទួលបានជោគជ័យ១០០% ៕
