នៅស្នាក់ការគណបក្ស ប្រជាជនខេត្តព្រៃវែង បាន ប្រារឰបើកកិច្ចប្រជុំស្តីពីសកម្ម ភាពក្រុមការងារគណៈកម្មាធិ ការបក្សខេត្តនិងលើកទិសដៅ អនុវត្តន៍បន្តក្នុងខេត្តព្រៃវែង ក្រោមអធិបតីភាពដ៏ខ្ពង់ខ្ពស់ របស់សម្តេចក្រឡាហោម ស ខេង ប្រធានក្រុមការងារខេត្ត ព្រៃវែង ជាអនុប្រធានគណបក្ស ប្រជាជនកម្ពុជា និងជាឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ។
ភ្ញៀវរួមដំណើរមាន ឯកឧត្តម ស្បោង សារ៉ាត់, ឯកឧត្តម ប៉ែន បញ្ញា, ឯកឧត្តម ហាស់ សារ៉េត, ឯកឧត្តម ញឹម វណ្ណដា, ឯកឧត្តម ព្រំ សុខា, ឯកឧត្តម កឹម ជាតិ អនុរដ្ឋលេខាធិការក្រសួងមហាផ្ទៃ ព្រម ទាំងប្រធានក្រុមការងារថ្នាក់ ឃុំ-ស្រុកទូទាំងខេត្តព្រៃវែង ។
ក្រោយពីពិធីការណ៍បាន ឡើងអានរបាយការណ៍និងរាយ ការណ៍ជូនគណៈអធិបតីរួចមក សម្តេចក្រឡាហោម ស ខេង បានឡើងមានមតិសំណេះសំណាលដោយបានពាំនាំនូវការ សាកសួរសុខទុក្ខពីសំណាក់ សម្តេចតេជោ ហ៊ុន សែន ប្រធាន គណបក្សប្រជាជនកម្ពុជា និង ជានាយករដ្ឋមន្ត្រីនៃព្រះរាជា ណាចក្រកម្ពុជា និងសម្តេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុន សែន ដែលលោកទាំងពីរតែងតែគិត គូរអំពីសុខទុក្ខរបស់ប្រជាពល រដ្ឋគ្រប់ពេលវេលា ។
សម្តេចក្រឡាហោម ស ខេង បន្តទៀតថា ឯកឧត្តម លោកជំទាវ អស់លោក លោក ស្រី ជាទីគោរពរាប់អាន យើង មានថ្ងៃនេះក៏ដោយសារគុណ បុណ្យថ្ងៃ ៧មករា ឆ្នាំ១៩៧៩ ដែលបានរំដោះជីវិតយើងគ្រប់ គ្នាឱ្យរួចពីចង្កូមមច្ចុរាជឈាម ខ្មៅ ប៉ុល ពត ដែលបានសម្លាប់ រង្គាលប្រល័យពូជសាសន៍ឯង ក្នុងរយៈពេល ៣ឆ្នាំ ៨ខែ និង ២០ថ្ងៃ ដែលប្រវត្តិសាស្ត្រមិន អាចបំភ្លេចបានចារ្យទុកក្នុង បេះដូងកូនខ្មែរកុំអោយភ្លេចនូវ ប្រវត្តិដ៏សែនឈឺចាប់នេះ ។
គូសបញ្ជាក់ថា ឯកឧត្តម លោកជំទាវ អស់លោក លោក ស្រី ត្រូវតែប្រាប់ដំណឹងដ៏ឈឺ ចាប់នេះដល់កូនៗនិស្សិត បញ្ញា វ័ន្តដែលគ្នាកើតមិនទាន់ឱ្យបាន ដឹងនិងឮទុក្ខក្នុងបេះដូងរបស់ ពួកគេនិងចងចាំអស់មួយជីវិត ។
ក្រោយពីមានមតិសំណេះ សំណាលរួចមកពិធីជូនបាច់ផ្កា អនុស្សាវរីយ៍ពីសំណាក់ក្រុម ការងារថ្នាក់ខេត្តជូនដល់សម្តេច ក្រឡាហោម ស ខេង ដែលបាន ទទួលបរម្យងារជា “សម្តេច ក្រឡាហោម”និងជាអនុប្រធាន គណបក្សប្រជាជនកម្ពុជា ក្រោយពីពិធីជូនបាច់ផ្ការួចមក សម្តេចក្រឡាហោម ស ខេង បានចែកជូនថវិកាដល់ប្រធាន ក្រុមប្រឹក្សា-ឃុំ ស្រុកម្នាក់ៗ ទទួលបានថវិកា ៥ម៉ឺនរៀល ។
កម្មវិធីនេះបានបញ្ចប់ ដោយភាពរីករាយក្រៃលែង ៕
លឹម សារី
