ខេត្តកណ្តាល ៖ រសៀលថ្ងៃ សៅរ៍ ទី ២១ ខែវិច្ឆិកា ឆ្នាំ ២០១៥ វេលាម៉ោង ៣ៈ១៥ នៅក្នុងបរិវេណវត្តបឹងខ្យាង ដែលស្ថិតនៅក្នុងឃុំបឹងខ្យាង ស្រុកកណ្តាលស្ទឹង ខេត្តកណ្តាល ប្រារឰធ្វើពិធីដង្ហែអង្គកឋិនទាន សាមគ្គីចូលវត្តបឹងខ្យាងដោយ មានឯកឧត្តម កឹម ជាតិ អនុរដ្ឋលេខាធិការក្រសួងមហាផ្ទៃ និងលោកជំទាវ ភួង ម៉ាឡា កឹម ជាតិ ព្រមទាំងក្រុមគ្រួសារ, លោកជំទាវឧកញ៉ា សៀង ចាន់ហេង ប្រធាន ក្រុមហ៊ុនហេងអភិវឌ្ឍន៍ ព្រម ទាំងក្រុមគ្រួសារ, ឯកឧត្តម នាយឧត្តមសេនីយ៍ គន់ គីម និងលោក ជំទាវ គឹម ចាន់ឌី គន់ គីម ព្រមទាំងបុត្រាបុត្រី បានមូលមតិគ្នាជាឯកច្ឆ័ន្ទដង្ហែអង្គកឋិនទានសាមគ្គីចូលវត្ត បឹងខ្យាង ។
លុះដល់ម៉ោង ៤និង០៥នាទី ពិធីសូត្រមន្តប័ង្សុកូលនិងរំលឹក ដល់វិញ្ញាណក្ខ័ន្ធ មាតាបីតា កុងម៉ា ដែលបានចែកឋានទៅ កាន់លោកខាងមុខ សូមបែរ ក្រោយឱ្យពរដល់កូនចៅដែល បានធ្វើពិធីនេះជូន ។
ភ្ញៀវចូលរួមមានឯកឧត្តម លោកជំទាវ លោកឧកញ៉ា ជាច្រើនរូបបានអញ្ជើញចូល រួមដោយបានពិសារភោជនីយ អាហាររួមគ្នានិងមានតូរ្យតន្ត្រី កំដរដោយភាពរីករាយក្រៃ លែង ។
លុះព្រឹកឡើងថ្ងៃអាទិត្យ ទី ២២ ខែវិច្ឆិកា ឆ្នាំ២០១៥ ពិធីប្រគេនយាគូរដល់ព្រះសង្ឃ និងវេរប្រគេនទេយ្យទាន បរិក្ខា ថវិកាដល់ព្រះសង្ឃនិង ចាប់ផ្តើមដង្ហែអង្គកឋិនទាន ទក្សិណជុំវិញព្រះវិហារចំនួន ៣ជុំ ទើបចូលទៅក្នុងព្រះវិហារ ដើម្បីធ្វើពិធីបញ្ចប់កិច្ចអង្គ កឋិនទានសាមគ្គីនេះ ។
សូមបញ្ជាក់ថា ឯកឧត្តម កឹម ជាតិ និងលោកជំទាវ បានប្រមូលបច្ច័យប្រគេនព្រះ សង្ឃ ២៤ម៉ឺនដុល្លារ លោក ជំទាវឧកញ៉ា សៀង ចាន់ហេង បុកគ្រឹះកសាងសំណាក់ដូនជី ១២ម៉ឺនដុល្លារ សង្កត់ត្រៃយ៍ មហាកុដិ ១៥ម៉ឺនដុល្លារ ក្រុង ពាលី និងរៀបចំបាយទឹក ១១ ម៉ឺនដុល្លារ ចែកជូនប្រជាពល រដ្ឋ ១ម្នាក់ៗ ៥ម៉ិនឺរៀល សរុប ២១ម៉ឺនដុល្លារ ។
សរុបថវិកាលោកជំទាវ ឧកញ៉ាទាំងអស់ជាង៧០ម៉ឺន ដុល្លារសហរដ្ឋអាមេរិក ៕
ដោយ ៖ លឹម សារី
