ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 170 63 22 Email: virakcheynews@gmail.com
0

​ព្រៃឈើ​ខេត្ត​ស្ទឹងត្រែង ត្រូវ​រលាយ​ដោយសារ​ស្នាដៃ​លោក ឈាង តុលា​

​ថ្ងៃអាទិត្យ ទី ៩ ខែ​មករា  ឆ្នាំ​២០១៦ ដោយ​មនសិការ​ខ្មែរ  បទល្មើស​កាប់​ឈើ​ក្នុងព្រៃ​សហ គ​មន៍ ព្រៃ​ការពារ និង ដែន ជម្រក​សត្វព្រៃ ព្រមទាំង​ឧទ្យាន  វិរៈ​ជ័យ​ខេត្តស្ទឹងត្រែង នៅតែ  បន្ត​កើត​ឡើង​យ៉ាង​ពេញបន្ទុក  ដោយ​មន្ត្រីរដ្ឋបាល​ព្រៃឈើ​ឬ សមត្ថកិច្ច​ពាក់ព័ន្ធ​មិន​បាន​ចាត់ វិធានការ​បង្ក្រាប​ឡើយ ។​

​ប្រភព​ពី​មន្ត្រីរាជការ នៅ ក្នុង​ខេត្ត​ស្ទឹងត្រែង​បានឱ្យដឹងថា  លោក ឈាង តុលា នាយខ​ណ្ឌ រដ្ឋបាល​ព្រៃឈើ​ខេត្ត​នេះ គឺជា  អ្នក​នៅ​ពីក្រោយ​បទល្មើស​កាប់ ឈើ​និង​ដឹកជញ្ជូន​ឈើ​ខុសច្បាប់ យ៉ាង​ពេញបន្ទុក ។ ហេតុនេះ ហើយ ទើប​បទល្មើស​នៅ​តែ កើត​ឡើង​ឥតឈប់ឈរ ។

​មន្ត្រី​អង្គការ​ក្រៅ​រដ្ឋាភិបាល​និង​ប្រជាពលរដ្ឋ​ក្នុង​ខេត្ត ស្ទឹងត្រែង​បានឱ្យដឹងថា ឈើ  ប្រណីត និង​ឈើ​ប្រភេទ​លេខ  ១ ក្នុង​ព្រៃ​សហគមន៍ ព្រៃ​ការពារ ព្រៃ​អភិរក្ស​នៅ​ស្រុក​សេ សាន ស្រុក​សៀម​ប៉ាង និង​ស្រុក ថា​ឡា​បរិ​វ៉ាត់ កំពុង​ប្រឈម  និង​សេចក្តី​វិនាស​ហិនហោច ។

​ប្រភព​បាន​បន្ត​ឱ្យដឹង​ទៀត  ថា​កន្លងមក​លោក ឈាង តុលា  មេ​រដ្ឋបាល​ព្រៃឈើ​ខេត្ត​ស្ទឹងត្រែង បាន​គិតគូរ​តែ​រឿង​ផល  ប្រយោជន៍​ផ្ទាល់ខ្លួន​តែប៉ុណ្ណោះ ។  ហើយ​មាន​ការឃុបឃិត​ជាមួយ លោក កុល សំអុល អតីត​អភិបាលខេត្ត​ស្ទឹងត្រែង​បណ្តោយ ឱ្យ​មាន​បទល្មើស​យ៉ាង​គគ្រឹក គគ្រេង​បែបនេះ ។​

​ឈ្មួញ​ធំៗ​អាច​កាប់​ឈើ​និង  ដឹកជញ្ជូន​ឈើ​ខុស​ច្បាប់​តាម អំពើ​ចិត្ត ដោយ​រដ្ឋបាល​ព្រៃឈើ  និង​កូនចៅ​លោក ឈាង តុលា  ចាំ​ទទួល​ផលប្រយោជន៍​យ៉ាង ត្រជាក់ចិត្ត​គ្មាន​ខ្លាចក្រែង​អ្វី ទាំងអស់ ។

​ឈ្មួញ​ដឹក​ជញ្ជូន​ឈើ​មួយ  ចំនួន​បាន​ឱ្យដឹងថា បើ​គ្មាន​ការ  បើកដៃ​ពី​លោក ឈាង តុលា  និង​មន្ត្រី​អាជ្ញាធរ ព្រមទាំង  សមត្ថកិច្ច​ពាក់ព័ន្ធ​ទេនោះ​គឺ​ពួក គេ​មិន​អាច​ដឹកឈើ​ចេញពី​ខេត្ត ស្ទឹងត្រែង ឆ្លងកាត់​ខេត្ត​ក្រចេះ  និង​ខេត្ត​ត្បូងឃ្មុំ យកទៅលក់  នៅ​ស្រុក​យួន​បានឡើយ ។

​ឈ្មួញ​ទាំងនោះ​បាន​ឱ្យដឹង  ថា​ពួកគេ​បាន​ផ្តល់​ផលប្រយោ​-​ជន៍​ឱ្យ​លោក ឈាង តុលា និង សមត្ថកិច្ច​ពាក់ព័ន្ធ​គ្រប់​ស្ថាប័ន ទើប​អាច​ដឹកជញ្ជូន​ឈើ​ខុសច្បាប់ ដោយ​គ្មាន​ការរំខាន​ឡើយ ។​

​ជាងនេះទៅទៀត ពួកគេ អាច​ចូល​កាប់​ឈើ​ប្រណីត​ឈើ ប្រភេទ​លេខ​១ និង​ឈើ​ប្រភេទ  លេខ ២ ក្នុង​ព្រៃ​សហគមន៍  ព្រៃ​ការពារ​និង​ឧទ្យាន​ជាតិ​វិរៈ ជ័យ​តាម​អំពើ​ចិត្ត ។ ចំណែក ម្ចាស់​សិប្បកម្ម​កែច្នៃ​ឈើ​ប្រណីត មួយចំនួន​ក៏​បាន​ឱ្យដឹង​ដែរ​ថា  រាល់​ការដឹកជញ្ជូន​កូនចៅ​លោក  ឈាង តុលា ជាប្រចាំ​ទើប​អាច គេចផុត​ពី​ការបង្ក្រាប ។ មាន ន័យ​ថា ក្នុង​តួនាទី​ជា​នាយខ​ណ្ឌ  រដ្ឋបាល​ព្រៃឈើ​ខេត្ត​ស្ទឹងត្រែង  លោក ឈាង តុលា មិនបាន បង្ក្រាប​បទល្មើស​ព្រៃឈើ​តាម តួនាទី​របស់​ខ្លួន​នោះ​ទេ ហើយ  បែរ​ជា​ប្រើប្រាស់​តួនាទី​ដើម្បី  ប្រមូល​ផលប្រយោជន៍​តាម របៀប​ពុករលួយ​យ៉ាង​ពេញ បន្ទុក ។

​ដូច្នេះ​សូម ឯកឧត្តម អ៊ុក រ៉ាប៊ុន រដ្ឋមន្ត្រី​ក្រសួង​កសិកម្ម  រុក្ខា​ប្រមាញ់ និង​នេសាទ គួរ ពិនិត្យមើល​ផងដែរ ពីព្រោះ  ប្រជាពលរដ្ឋ​និង​មន្ត្រីរាជការ ក្នុង​ខេត្ត​ស្ទឹងត្រែង​រិះគន់ថា ព្រៃ ឈើ​ក្នុង​ខេត្ត​នេះ ត្រូវ​រលាយ  សាប​សូន្យ ដោយសារ​ស្នាដៃ  លោក ឈាង តុលា មេ​រដ្ឋបាល ព្រៃឈើ​ខេត្ត​ស្ទឹងត្រែង និង​បក្ខពួក ៕

 

2016_01_14d (1) 2016_01_14d (2)

Filed in: ព័ត៌មានជាតិ, ព័ត៌មានសំខាន់

Leave a Reply

Submit Comment
© 2019 វីរៈជ័យ | Virakchey. All rights reserved. XHTML / CSS Valid.
Daily Theme designed by Theme Junkie.