ព្រឹកថ្ងៃទី ២៤ ខែមករា ឆ្នាំ២០១៦ វេលាម៉ោង ៨ៈ១៥នាទី ឯកឧត្តម កឹម ជាតិ អនុរដ្ឋលេខាធិការ ក្រសួងមហាផ្ទៃ ប្រធានថ្នាក់ជាតិស្រុកកំពង់ត្របែក បានអញ្ជើញចូលរួមក្នុងពិធីសំណេះសំណាលជាមួយព្រះសង្ឃចំនួន ៤០វត្ត និងប្រជាពលរដ្ឋជាង ៤០០នាក់ នៅក្នុងឃុំជាងដែក ស្រុកកំពង់ត្របែក ខេត្ត្តៃព្រវែង ។ ក្រោយពីការថ្វាយបង្គំ និងសាកសួរសុខទុក្ខដល់ព្រះសង្ឃ និងប្រជាពលរដ្ឋរួចមក ឯកឧត្តម មានមតិសំណេះសំណាលដោយបានផ្តាំផ្ញើនូវការ សាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណចក្រកម្ពុជា និងជាប្រធានគណបក្សប្រជាជនកម្ពុជា ព្រមទាំងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម កម្ពុជា ព្រមទាំងសម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ដែលលោកតែងតែគិតគូរអំពីសុខ ទុក្ខរបស់ប្រជាពលរដ្ឋគ្រប់ពេលវេលា និងយកចិត្តទុកដាក់ចំពោះប្រជាពលរដ្ឋក្រីក្រកំសត់ទុរគត ស្ត្រីមេម៉ាយ ក្មេងកំព្រា សម្តេចតេជោ និងសម្តេចកិត្តព្រឹទ្ធបណ្ឌិត តែងតែចុះផ្ទាល់ជួយដល់ពួកគាត់ ។ ដូច្នេះពុកម៉ែបងប្អូនត្រូវចងចាំថា មានតែគណបក្សប្រជាជនកម្ពុជាយើងទេ ដែលជួយប្រជាពលរដ្ឋពិតប្រាកដមែន ។
ក្រោយពីមានមតិសំណេះសំណាលរួចមក ឯកឧត្តម បានប្រគល់បច្ច័យជូនដល់ព្រះសង្ឃ ២០ម៉ឺនរៀល និងរាប់បាត្រ ១៨០អង្គ ក្នុង១អង្គថវិកា ៥០០០រៀល និងផ្តល់ថវិកាជូនចាស់ៗម្នាក់ថវិកា បីម៉ឺនរៀល ។ ឋម្មវិធីបានបញ្ចប់នៅវេលាម៉ោង ១០ៈ៣០នាទី លុះរសៀលម៉ោង ១ៈ០៥នាទីថ្ងៃដដែល ឯកឧត្តម និងក្រុមការងារបាន ចុះចែកអំណោយរបស់សម្តេចក្រឡាហោម ស ខេង ជូនដល់គ្រួសារសព ពីរគ្រួសារ ដែលបានបាត់បង់ជីវិតដោយ មួយគ្រួសារបានទទួលថវិកា ២០ម៉ឺនរៀល និងមីថៃ ១កេស ហើយក្រុមការងារដែលអញ្ជើញចូលរួមទទួលបានថវិកា ម្នាក់ ២ម៉ឺនរៀលផងដែរ ។
ក្នុងឱកាសនោះដែរ ឯកឧត្តម កឹម ជាតិ មានប្រសាសន៍សំណេះសំណាល និងផ្តាំផ្ញើដល់ក្រុមគ្រួសារសព និង ប្រជាពលរដ្ឋចូលរួម ឯកឧត្តម មានប្រសាសន៍ថា អ្វីកាន់តែខ្ពស់ត្រូវតែទាបជាមួយរាស្ត្រ មិនត្រូវតាំងខ្លួនយើងជាអ្នកធំ ទេ យើងគឺអ្នកបំរើរាស្ត្រ ៕
ដោយ ៖ លឹម សារី
