នៅថ្ងៃទី ០៤ ខែកុម្ភៈ ឆ្នាំ២០១៦ នៅក្នុងសាលាស្រុកកំពង់ត្របែកប្រារឰបើកកម្មវិធីកិច្ចប្រជុំបូកសរុបលទ្ធផលក្រុម ការងារថ្នាក់ជាតិចុះមូលដ្ឋានស្រុកកំពង់ត្របែក ក្រោមអធិបតីភាពដ៏ខ្ពង់ខ្ពស់របស់ ឯកឧត្តម កឹម ជាតិ អនុរដ្ឋលេខាធិ ការក្រសួងមហាផ្ទៃ និងជាអនុប្រធានក្រុមការងារថ្នាក់ជាតិចុះមូលដ្ឋានស្រុកកំពង់ត្របែក ។
ក្រោយពីកិច្ចស្វាគមន៍ពីសំណាក់សមាជិក សមាជិកាបក្សរួចមក ឯកឧត្តម បានអញ្ជើញឡើងមានមតិសំណេះ សំណាលជាមួយអង្គកម្មវិធី ដោយបានពាំនាំនូវការសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន កាកបាទក្រហមកម្ពុជា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានគណ បក្សប្រជាជនកម្ពុជា ដែលលោកតែងតែគិតគូរអំពីសុខទុក្ខរបស់ប្រជាពលរដ្ឋគ្រប់ពេលវេលា ។
ឯកឧត្តម មានប្រសាសន៍បន្តទៀតថា បងប្អូនពុកម៉ែទីជាទីគោរព…! ថ្ងៃនេះខ្ញុំមានមោទនៈភាពណាស់ ដោយ បានមកជួបជុំបងប្អូនពុកម៉ែទាំងភាពញញឹមដាក់គ្នាទៅវិញទៅមក យល់ចិត្តថ្លើមគ្នារាប់អានគ្នាកៀកដៃគ្នាលើកកម្ពស់ សាមគ្គីគ្នាឱ្យបានជិតស្និទ្ធ ។
ឯកឧត្តម បន្តទៀតថា សូមបងប្អូនដែលជាគណៈពង្រឹងចុះតាមក្រុមភូមិ-ឃុំ មេត្តាចុះជាប់ជាមួយពួកគាត់ ដឹងទុក្ខធុរៈសុខទុក្ខក្រខ្សត់ជួយគាត់ឈឺថ្កាត់ ខ្វះអ្វីៗត្រូវតែជួយបង្ហាញពីភាពរាប់អានជិតស្និទ្ធ ។
ខ្ញុំសង្ឃឹមថា នៅក្នុង អាណត្តិនេះ ពុកម៉ែ បងប្អូន និងបានជោគជ័យក្រោយពីសំណេះសំណាលរួចមក ឯកឧត្តម បានចែកជូនកំដរដៃនូវ វត្ថុអនុស្សាវរីយ៍ខ្លះជូនប្រជាពលរដ្ឋ មានថវិកា ៥០ម៉ឺនរៀល និងអាវយឺត ២២៣ ។ កម្មវិធីបញ្ចប់ដោយភាពរីករាយ ក្រៃលែង ៕
ដោយ ៖ លឹម សារី
