នាព្រឹកថ្ងៃទី ០២ ខែមេសា ឆ្នាំ២០១៦ វេលាម៉ោង ៨:១៥នាទី សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធីកាត់ប្ញសសីមាក្នុងវត្តសុទ្ធារាម ហៅវត្តគំនុំ ស្ថិតនៅក្នុងភូមិគំនុំ ឃុំស្មោងខាងត្បូង ស្រុកកំចាយមារ ខេត្តព្រៃវែង ។
ភ្ញៀវអមដំណើរមាន ឯកឧត្តម ពឹម សំណាង, ឯកឧត្តម អ៊ុង សាមី, ឯកឧត្តម កឹម ជាតិ អនុរដ្ឋលេខាធិការក្រសួងមហាផ្ទៃ និងជាប្រធានក្រុមការងារថ្នាក់ជាតិ ស្រុកកំពង់ត្របែកបានអញ្ជើញ ចូលរួមព្រមទាំងឯកឧត្តម លោកជំទាវ អស់លោក-លោកស្រី ក្នុងក្រសួងមហាផ្ទៃជាច្រើនរូបទៀត ។
ពិធីកាត់ខ្សែបូសម្ពោធដាក់ឱ្យប្រើប្រាស់បានប្រព្រឹត្តឡើងដោយភាពរីករាយក្រៃលែង បន្ទាប់ពីការកាត់ប្ញសសីមារួច ហើយ សម្តេចក្រឡាហោម ស ខេង បានមានមតិផ្តាំផ្ញើដល់គណៈកម្មាធិការ អាចារ្យវត្ត ព្រមទាំងពុទ្ធបរិស័ទចំណូះជើងវត្ត ទាំងអស់ ត្រូវប្រឹងប្រែងថែរក្សាសមិទ្ធផលដែលយើងខិតខំកសាងឱ្យបានយូរអង្វែរដល់កូនចៅយើងថែមទៀត ។ កម្មវិធីនេះ បានបញ្ចប់ដោយភាពរីករាយក្រៃលែង ៕
ដោយ ៖ លឹម សារី
