នាព្រឹកថ្ងៃទី ៣១ ខែមីនា ឆ្នាំ២០១៦ វេលាម៉ោង ៨ៈ០៥នាទី នៅក្នុងក្រសួងមហាផ្ទៃ ប្រារឰបើកកិច្ចប្រជុំបូកសរុប ការងារឆ្នាំ២០១៥ និងលើកទិសដៅឆ្នាំ២០១៦ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។ ភ្ញៀវកិត្តិយសចូលរួមមាន ឯកឧត្តម កឹម ជាតិ អនុរដ្ឋលេខាធិការក្រសួងមហាផ្ទៃ, ឯកឧត្តម ខៀវ សុភ័ក, ឯកឧត្តម ឯម សំអាន, ឯកឧត្តម សក់ ស៊ីថា ព្រមទាំងឯកឧត្តម លោកជំទាវ រដ្ឋលេខាធិការ-អនុ រដ្ឋលេខាធិការក្រសួងមហាផ្ទៃជាច្រើនរូបទៀតបានអញ្ជើញចូលរួម ។
ក្រោយពីការស្វាគមន៍ និងរាយការណ៍ជូនគណៈអធិបតីរួចមក សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានឡើងមានមតិសំណេះសំណាលដោយបានពាំនាំនូវការសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលលោកតែងតែគិតគូរយើងគ្រប់ៗគ្នា ។
សម្តេចបន្តទៀតថា ឯកឧត្តម លោកជំទាវ អស់លោក-លោកស្រី ជាទីគោរព ថ្ងៃនេះយើងបានជួបជុំគ្នារំលឹកនូវ របាយការណ៍ឆ្នាំ២០១៥ និងលើកទិសដៅឆ្នាំ២០១៦ ដែលយើងត្រូវតែប្រឹងប្រែងទាំងអស់គ្នា ក្នុងការចុះពង្រឹងតាមភូមិ-ឃុំ ស្រុកឱ្យបានទទួលនូវលទ្ធផលជោគជ័យដ៏ល្អប្រសើរជូនជាតិមាតុភូមិយើង និងខ្ញុំសំណូមពរឱ្យឯកឧត្តម អស់លោកទាំងអស់ធ្វើ យ៉ាងណាធ្វើឱ្យប្រជាជន លោកស្រឡាញ់លោកចូលចិត្តយើង ទើបយើងមានប្រជាប្រិយ៍ភាពល្អ ៕
លឹម សារី
